Oqıtıwshı • izertlewshi • konsultant • avtor
Liderlik • qararlar • rawajlanıw
Qarar qabıl etiw, liderlik, aqsha, jeke juwapkershilik hám rawajlanıw haqqında ashıq ushırasıwlar, oqıtıw hám konsultaciyalar.
Kitaplar hám basılımlar →
Lekciyalarda, kitaplarda hám sóylesiwlerde qayta-qayta oralatuǵın altı baǵdar.
Liderlik
Lider adamlardı islewge májbúrlemeydi, olardıń ósiwine járdem beredi: kúshli táreplerin kóredi, óz ornın tabıwǵa kómeklesedi hám ǵárezsizlikke úyretedi. Liderlerdi liderler jaratadı — hár qanday chempionnıń treneri bar.
Qarar qabıl etiw
Mektep tariyx penen fizikanı úyretedi, biraq tańlawdı úyretpeydi. Qarar — bul máplerdi tallaw, variantlardı salıstırıw hám nátiyje ushın juwapkershilik. Bunı úyreniwge boladı.
Mámleketlik basqarıw
Mámleketlik organlardaǵı jumıs — qararlar, tártipler hám juwapkershilik qalay dúzilgenin biliw. Bul tájiriybe siyasiy qararlar qabıl etiw haqqındaǵı kitapqa tiykar boldı.
Adamnıń rawajlanıwı
Maqset basqalar menen salıstırıwdan emes, óz kúshińiz benen qızıǵıwshılıqlarıńızdan kelip shıǵıwı kerek. Átirapıńızǵa da itibar beriń: duzlı suwdaǵı qıyar waqıt óte duzlanadı.
Sociallıq máseleler
Dissertaciyam hám monografiyam usıǵan arnalǵan: qaysı sociallıq jantasıwlar haqıyqatında isleydi — Qaraqalpaqstan mısalında.
Qarjılıq sawatlılıq
Jeke qarjını mektepte de, úyde de úyretpeydi. Sonlıqtan Bodo Sheferdiń kitabın, al birge awdarmashı menen Jorj Kleysonnıń aqsha haqqındaǵı kitabın qaraqalpaq tiline awdardım.
Huqıq • politologiya • sociologiya PhD • mámleketlik basqarıw
Kurslar, lekciyalar hám bilimlendiriw baǵdarlamaları. Berdaq atındaǵı QMU yuridika fakultetiniń úlken oqıtıwshısı.
Sociallıq siyasat, qarar qabıl etiw, liderlik hám qarjılıq sawatlılıq.
Basqarıw qararları, shólkemlik rawajlanıw hám komandalar menen islesiw.
Xalıqaralıq joybarlarǵa qatnasıw, treningler ótkeriw, qánigelerdiń potencialın rawajlandırıw, sociallıq qorǵaw hám mámleketlik dúzilmeler menen islesiw.
Jaslar, basshılar hám shólkemler menen sóylesiwler.
Biypul ashıq ushırasıwdan baslawǵa yamasa birden oqıtıw, trening yamasa konsultaciyanı talqılawǵa boladı.
Biypul
Qararlar, aqsha hám jol tańlaw haqqında eki saatlıq sóylesiw: zaldan sorawlar hám ashıq juwaplar. Eń belsendi qatnasıwshılarǵa sawǵa retinde kitaplar.
Keyingi ushırasıw haqqında biliwTayarlanıp atır
Birinshi ushırasıwdan keyin qatnasıwshılar kurs hám stajirovka soradı. Bir neshe sabaqtan ibarat baǵdarlama tayarlap atırmız: maqset, átirap, qararlar, jeke qarjı, kásiptegi dáslepki qádemler.
Arza qaldırıwShólkemler ushın
Liderlik, qarar qabıl etiw hám komanda menen islesiw — Bodo Shefer hám Boris Grundldıń «Ápiwayı liderlik» kitabı hám mámleketlik basqarıw tájiriybesi tiykarında.
SRT Consulting
Basqarıw qararları, shólkemlik rawajlanıw hám komandalar menen islesiw — basshılar hám shólkemler ushın.
Wazıypanı talqılawJekke-jeke
Tańlaw jasaw kerek bolǵanda jekke-jeke ushırasıwlar: kásip, karyera, keyingi qádem.
Jazılıw20 jıldan aslam kásiplik tájiriybe: huqıq, mámleketlik organlar, basqarıw, ilim hám oqıtıwshılıq.
Qaraqalpaqstan Respublikası Qońırat rayonında tuwılǵan.
Qaraqalpaq mámleketlik universitetiniń yuridika fakultetin tamamlaǵan.
Yuriskonsult.
Strategiyalıq analiz tarawında qosımsha kásiplik bilim alǵan.
Qaraqalpaqstan Respublikası Ministrler Keńesi hám Joqarǵı Keńesinde basshılıq lawazımları.
Qaraqalpaqstan Respublikası mısalında jas shańaraqlardı jarlılıqtan shıǵarıwdaǵı sociallıq jantasıwlar haqqında dissertaciya qorǵaǵan.
Oqıtıwshılıq, izertlew hám konsalting iskerligi. Jaslar ushın ashıq ushırasıwlar hám bilimlendiriw joybarları.
Avtorlıq, ilimiy hám awdarma basılımlar.
Avtor
Siyasiy qararlardı qabıl etiw
Avtor: Rustam Saparbaev
Siyasiy qararlar qabıl etiwdiń teoriyası, procesi hám ámeliyatı: máplerdi tallaw, alternativalardı tańlaw, juwapkershilik hám nátiyjelerdi bahalaw.
TolıǵıraqAvtor
Jas shańaraqlardı jarlılıqtan shıǵarıwǵa sociallıq-innovaciyalıq jantasıwlar (Qaraqalpaqstan Respublikası mısalında)
Avtor: Rustam Saparbaev
Qaraqalpaqstan Respublikası mısalında jas shańaraqlardı qollap-quwatlaw hám jarlılıqtı jeńiwdiń sociallıq hám innovaciyalıq jantasıwların izertlew.
TolıǵıraqBirge avtor
Agrar huqıqı
Avtorlar: M. E. Berdimuratov, Rustam Saparbaev
Agrar huqıqı boyınsha oqıw qollanbası.
TolıǵıraqAwdarmashı
Pul álipbesi
Túpnusqa avtorı: Bodo Shefer
Qaraqalpaq tiline awdarma: Rustam Saparbaev
Qarjılıq sawatlılıq, aqshaǵa qatnas, jıynaq hám qarjılıq ǵárezsizlik haqqındaǵı kitap.
TolıǵıraqAwdarmashı
Vavilonnıń eń bay adamı
Túpnusqa avtorı: Jorj Semyuel Kleyson
Qaraqalpaq tiline awdarma: Rustam Saparbaev, E. M. Utepbergenov
Áyyemgi Vavilonnan aqsha haqqındaǵı ápsanalar: tapqan aqshanı qalay jıynaw, saqlaw hám kóbeytiw.
TolıǵıraqKlassikalıq lekciya emes, sóylesiw: auditoriya sorawları, ámeliy tájiriybe hám ashıq juwaplar.
30-dan aslam adam, kópshiligi jaslar. Eki saat dawamında ómir, maqset, aqsha hám jeke juwapkershilik haqqında sorawlar hám ashıq juwaplar.
Lekciya emes — ashıq sóylesiw, erkin sorawlar hám túsinikli juwaplar boldı.
Ushırasıwdan keyin qatnasıwshılar kurs hám stajirovka soradı — baǵdarlama tayarlanıp atır.
Ushırasıw jazbasın kóriw
Ashıq ushırasıwlar, lekciyalar, intervyular hám podkastlar.
Jaslar menen ashıq sáwbet
Jaslar texnoparkında jaslar menen ashıq sáwbet
Maǵlıwmatım boyınsha yurist hám politologpan, sociologiya boyınsha PhD. 20 jıldan aslam kásiplik tájiriybem bar: huqıq, mámleketlik organlar, basqarıw, ilim hám oqıtıwshılıq, sonıń ishinde Qaraqalpaqstan Respublikası Ministrler Keńesi hám Joqarǵı Keńesindegi basshılıq lawazımları.
Búgin oqıtıwshılıq, izertlew, konsalting hám aǵartıwshılıq iskerligi menen shuǵıllanaman. Studentler, jaslar hám basshılar menen sabaqlar, treningler hám ashıq ushırasıwlar ótkeremen.
Meniń maqsetim — kimgedur bir nárseni dálillew emes. Óz tájiriybemnen kelip shıǵıp, jámiyetimiz ushın paydalı bolıwı múmkin bolǵan pikir, ideya hám juwmaqlardı ashıq bólisiw.
PhD dissertaciyası: «Jas shańaraqlardı jarlılıqtan shıǵarıwda sociallıq jantasıwlar tallawı (Qaraqalpaqstan Respublikası mısalında)», qánigelik 22.00.02. 2025-jıl 25-fevralda Ózbekstan Respublikası Prezidenti janındaǵı Mámleketlik basqarıw akademiyasında qorǵalǵan.
Izertlew temasındaǵı monografiyaBaylanıs maǵlıwmatlarıńızdı qaldırıń — juwap beremiz hám ushırasıw, oqıtıw, trening yamasa konsultaciyanı kelisip alamız.
